Author: admin

கடந்த வருடத்தில் நாட்டின் பொருளாதார வளர்ச்சி 7.8% மறை பெறுமானமாக பதிவானதாக இலங்கை மத்திய வங்கி தெரிவித்துள்ளது. இலங்கை மத்திய வங்கியின் வருடாந்த ஆண்டறிக்கை நேற்று வெளியிடப்பட்டதுடன், அதில் இந்த விடயம் குறிப்பிடப்பட்டுள்ளது. இலங்கை மத்திய வங்கியின் கடந்த வருடத்திற்கான அறிக்கையை மத்திய வங்கி ஆளுநர், நிதியமைச்சர் ஜனாதிபதி ரணில் விக்கிரமசிங்கவிடம் நேற்று கையளித்தார். சுதந்திரத்தின் பின்னரான இலங்கை வரலாற்றில், 2022 ஆம் ஆண்டிலேயே மிகவும் கடினமான காலகட்டம் பதிவாகியுள்ளதாக அதில் தெரிவிக்கப்பட்டுள்ளது. நீண்டகாலமாக வரவு செலவுத் திட்டத்தில் துண்டு விழும் தொகையை எதிர்நோக்கியுள்ள இலங்கை, ​2022 ஆம் ஆண்டில் உள்நாட்டு மற்றும் வௌிநாட்டு மூலங்களால் எழுந்த சவால்களையும் எதிர்கொள்ள முடியாத நிலைக்கு தள்ளப்பட்டதாக மத்திய வங்கியின் அறிக்கையில் குறிப்பிடப்பட்டுள்ளது. இவ்வாறான பின்புலத்தில், வரிக் குறைப்பு, முன்னறிவித்தல் இன்றி சேதன விவசாயத்தை ஆரம்பித்தல், வௌிநாட்டு நாணய கையிருப்பு முடிவடையும் வரை வௌிநாட்டுக் கடனை செலுத்த முயற்சித்தமை, முன்னெச்சரிக்கைகள் தொடர்பில் கவனம் செலுத்தாமை…

மல்லாக்கத்தில் பட்டப்பகலில் வீடுடைத்து 19 தங்கப் பவுண் நகைகளை திருடிய குற்றச்சாட்டில் ஒருவர் கைது செய்யப்பட்டுள்ளார். சந்தேக நபரிடமிருந்து திருடப்பட்ட நகைகள் கைப்பற்றப்பட்டன என்று தெல்லிப்பழை பொலிஸ் நிலையத்தில் முறைப்பாடு செய்யப்பட்டுள்ளது. நேற்று முன்தினம் பட்டபகலில் மல்லாகத்தில் வீட்டிலிருந்தவர்கள் வெளியில் சென்றிருந்த போது வீடுடைத்து நகைகள் திருடப்பட்டன. சம்பவம் தொடர்பில் தெல்லிப்பழை பொலிஸ் நிலையத்தில் முறைப்பாடு செய்யப்பட்டது. சம்பவம் தொடர்பில் விசாரணைகளை முன்னெடுத்த பொலிஸார் மயிலங்காடு பகுதியைச் சேர்ந்த 23 வயதுடைய ஒருவரைக் கைது செய்தனர்.

வாக்குப்பதிவு தொடர்பாக உள்ளூராட்சி அமைப்புகளால் அச்சிடப்பட்ட வாக்குச் சீட்டுகள் மற்றும் முடிவு ஆவணங்கள் தவிர மற்ற அச்சிடப்பட்ட வாக்குச் சீட்டுகள் தேர்தல் ஆணையத்திடம் ஒப்படைக்கப்பட்டுள்ளதாக அரச அச்சகம் தெரிவித்துள்ளது. வாக்குப்பதிவு திகதி அறிவிக்கப்பட்டதன் பின்னர், அச்சுப் பணிகளுக்கான ஏற்பாடுகள் மற்றும் அச்சகத்திற்கு தேவையான பொலிஸ் பாதுகாப்பு உள்ளிட்ட வாக்குச் சீட்டுகள் மற்றும் பெறுபேறு ஆவணங்கள் தேர்தல்கள் ஆணைக்குழுவிடம் கையளிக்கப்படும் என கங்கானி லியனகே தெரிவித்துள்ளார். தேர்தல் தொடர்பில் உள்ளூராட்சி அதிகாரிகள் 190 மில்லியன் ரூபாவிற்கும் அதிகமான அச்சுப் பணிகளை மேற்கொண்டுள்ளதாகவும், அதற்காக அரசாங்க அச்சகத்திற்கு இன்னும் சுமார் 40 மில்லியன் ரூபா கிடைத்துள்ளதாகவும் அவர் தெரிவித்திருந்தார். 17 மாவட்டங்கள் தொடர்பான வாக்குச் சீட்டுகள் மற்றும் முடிவு ஆவணங்கள் அச்சிடப்பட்டுள்ளதாகவும், அவை அச்சகத்தில் பாதுகாப்பாக வைக்கப்பட்டுள்ளதாகவும் அச்சக அதிகாரி தெரிவித்தார். மற்ற வகை அச்சிடப்பட்ட தாள்கள் தேர்தல் ஆணையத்திடம் ஒப்படைக்கப்பட்டுள்ளதாகவும், ஒப்படைக்கப்பட்ட கையிருப்பில் மற்றொரு பகுதி தேர்தல் ஆணையத்திடம் கொண்டு செல்லப்படும் என்றும்…

காலி மாவட்டத்தில் எலிக்காய்ச்சல் பரவும் அபாயம் காணப்படுவதாகவும், இந்த வருடம் ஜனவரி மாதம் முதல் ஏப்ரல் 26ஆம் திகதி வரையான நான்கு மாதங்களில் 19 எலிக்காய்ச்சல் மரணங்கள் ஏற்பட்டுள்ளதாகவும் காலி மாவட்ட தொற்று நோய் நிபுணர் நேற்று (27) நடைபெற்ற காலி மாவட்ட விவசாயக் குழுக் கூட்டத்தில் தெரிவித்தார். இந்த ஆண்டு ஜனவரி முதல் இன்று வரை 224 எலிக்காய்ச்சல் பதிவுகள் மட்டுமே பதிவாகியுள்ளன. இந்தக் காலப்பகுதியில் எலிக்காய்ச்சலினால் உயிரிழந்தவர்களின் எண்ணிக்கை 19 எனவும் வைத்தியர் தெரிவித்துள்ளார். இந்த மரணங்களில் 13 வயதுடைய பாடசாலை மாணவி ஒருவரும் உள்ளதாகவும் தற்போது மாவட்டத்தில் அதிகளவான நோயாளர்கள் கரந்தெனிய, பத்தேகம, இமதுவ, பலபிட்டிய, உடுகம, யக்கலமுல்ல, ஹபராதுவ ஆகிய பிரதேசங்களில் பதிவாகியுள்ளதாகவும் அவர் விசேட அறிக்கையில் மேலும் தெரிவித்துள்ளார். 2015 ஆம் ஆண்டிலிருந்து, இலங்கையில் எலிக்காய்ச்சலினால் அதிகளவான மரணங்கள் காலி மாவட்டத்தில் பதிவாகியுள்ளன. ஒரு வருடத்தில் ஒரு எலியிடம் இருந்து சுமார் 2000 எலிக்…

90,000 நபர்கள் சமீபத்தில் இலங்கையை விட்டு வெளியேறியுள்ளனர் என தெரியவந்துள்ளது. பாராளுமன்றத்தில் நடைபெற்ற தொழிலாளர் மற்றும் வெளிநாட்டு வேலைவாய்ப்பு தொடர்பான அமைச்சர்களின் ஆலோசனைக் குழுக் கூட்டத்தின் போது இந்த விடயம் தெரிவிக்கப்பட்டது. 26,000 பயிற்றப்படாத தொழிலாளர்களும் 60,000 க்கும் மேற்பட்ட பயிற்றப்பட்ட பணியாளர்களும் வெளிநாட்டு வேலைகளுக்கு அனுப்பப்பட்டுள்ளதாக தெரிவிக்கப்பட்டுள்ளது.

கொவிட் தொற்றுக் காலங்களில் முஸ்லிம் மரணங்களை கட்டாயமாக எரித்தமையானது இலக்கணப்படி தவறு என தான் ஏற்றுக் கொள்வதாக இந்நாள் சுகாதார அமைச்சர் கெஹெலிய ரம்புக்வெல்ல இன்றைய பாராளுமன்ற அமர்வில் தெரிவித்திருந்தார். இது குறித்து பாராளுமன்ற உறுப்பினர் ரவுப் ஹகீம் கேள்வி எழுப்புகையில்; “அன்று கொவிட் மரணங்கள் குறித்து கவனம் செலுத்த கொவிட் மரணங்களை எரிக்க, புதைக்க விசேட அதிரடிப் படையினர் குழுவொன்று நிறுவப்பட்டது. அவர்களது அன்றைய விவாதமாக இருந்தது, கொவிட் வைரஸ் ஆனது நிலக்கடி நீரினால் பரவும் என்பதாகும். அது முஸ்லிம்களுக்கும் முஸ்லிம் அல்லாத ஏனைய சகோதரர்களையும் பெரிதும் பாதித்த ஒன்றாகும். அதுவும் ஒரு தொலை தூரத்திற்கு ஓட்டமாவடிக்கு கொண்டு சென்று, அதுவும் அடிப்படையே இல்லாத வெறும் இனவாத அடிப்படையில் இந்த நடவடிக்கை மேற்கொள்ளப்பட்டதை நாம் அறிவோம். அதனை தாங்கள் ஏற்றுக் கொள்கிறீர்களா..” என சுகாதார அமைச்சர் கெஹெலிய ரம்புக்வெல விடம் பாராளுமன்ற உறுப்பினர் ரவுப் ஹகீம் இன்றைய தினம் கேள்வி…

அரை சொகுசு பேருந்து சேவையை இரத்து செய்து, அந்த பேருந்துகளை வழக்கமான சேவையாக மாற்றினால், இரவு நேர நீண்ட தூர சேவைகளில் இருந்து விலகுவதாக ஐக்கிய போக்குவரத்து தொழிற்சங்க மையம் தெரிவித்துள்ளது. அரை சொகுசு பேருந்து சேவையின் பதிவை இரத்து செய்ய போக்குவரத்து அதிகாரிகள் திட்டமிட்டுள்ளதாகவும், அரை சொகுசு பேருந்து சேவைகள் நீண்ட தூர சேவையாக செயல்படுவதால், அதில் ஏற முடியாத நிலை இருப்பதாகவும் அந்த மையத்தின் தலைவர் சம்பத் ரணசிங்க தெரிவித்தார்.

தென்மேற்கு பருவக்காற்று காரணமாக கொழும்பு மாவட்டத்தில் வெள்ளம் ஏற்படும் அபாயம் உள்ளதாகவும், இதை தடுக்க அனைத்து முன்னேற்பாட்டு நடவடிக்கைகளுக்கும் தயாராகுமாறு கொழும்பு மாவட்டத்தின் அனைத்து பிரதேச செயலாளர்கள் மற்றும் அனர்த்த முகாமைத்துவ அதிகாரிகளுக்கு நேற்று (27) அறிவிக்கப்பட்டுள்ளது. கொழும்பு மாவட்ட ஒருங்கிணைப்புக்குழு கூட்டம் நேற்று காலை கொழும்பு மாவட்ட செயலகத்தில் இடம்பெற்றதுடன், மாவட்ட மாவட்ட செயலாளர் இதனை தெரிவித்தார். மேலும், அனர்த்த முகாமைத்துவ பிரிவுகள் அவசர நிலைமைகளுக்கு பதிலளிக்க தயாராக இருக்க வேண்டும் எனவும் மாவட்ட செயலாளர் தெரிவித்தார். எதிர்வரும் மே மாதம் 4ஆம் திகதி வளிமண்டலவியல் திணைக்களத்தில் விசேட கலந்துரையாடலொன்று நடைபெறவுள்ளதாகவும், வெள்ளம் போன்ற அவசர நிலைமைகளை எதிர்கொள்ள ஆயுதப்படை மற்றும் அனர்த்த முகாமைத்துவ திணைக்களங்கள் தயார் நிலையில் உள்ளதாகவும் அனர்த்த முகாமைத்துவ நிலையத்தின் கொழும்பு மாவட்ட உதவிப் பணிப்பாளர் தெரிவித்தார். மேலும், வெள்ளம் ஏற்பட்டால் மீட்பு மற்றும் நிவாரணப் பணிகளுக்குத் தேவையான படகுகள் ராணுவத் தளங்களுக்கு விநியோகிக்கப்பட்டுள்ளதாக உதவிப்…

வித்தியாரம்ப விழா – 2023 ———————————— எமது பாடசாலையின் 2023ம் ஆண்டிற்கான புதிய மாணவர்களை வரவேற்று பாடசாலைக்குள் இணைத்துக்கொள்ளும் “வித்தியாரம்ப விழா” இன்ஷா அல்லாஹ் இன்று 2023.04.28ம் திகதி காலை 8.30 மணியளவில் எமது பாடசாலை மண்டபத்தில் அதிபர் ஏ.ஜீ.எம். றிசாத் தலைமையில் இடம்பெறவுள்ளது. இந்திழ்விற்குப் பிரதம அதிதியாக பொறியியலாளர் Mr. A.M. சஹீர், அவர்களும், கௌரவ அதிதிகளாக… கோட்டக் கல்விப்பணிப்பாளர் Mrs. A.P.S.நஸ்மியா அவர்களும், உதவிக் கல்விப் பணிப்பாளர் Mr. NMA. மலீக் அவர்களும், விஷேட அதிதிகளாக ரேடர்ஸ் அசோசியேசன் தலைவர் Mr.K.M.முகம்மட் சித்தீக் அவர்களும், Mrs. A.P. றிஹானாவாஜித் அவர்களும் கலந்து சிறப்பிக்கவுள்ளனர். பாடசாலை ஊடகப் பிரிவு

இலங்கைக்கான சர்வதேச நாணய நிதியத்தின் (IMF) நீட்டிக்கப்பட்ட நிதி வசதியின் (EFF) கீழான ஏற்பாட்டினை அமுல்படுத்துவதற்கான தீர்மானம் குறித்த விவாதம் மூன்றாவது நாளாக இன்று (28) பாராளுமன்றத்தில் நடைபெற உள்ளது. விவாதத்திற்குப் பிறகு வாக்கெடுப்பு நடைபெறும். இதேவேளை, சர்வதேச நாணய நிதியத்துடன் செய்து கொள்ளப்பட்ட ஒப்பந்தம் தொடர்பில் இன்று (28) நடைபெறவுள்ள வாக்கெடுப்பில் கலந்துகொள்ள முடியாது என முன்னாள் ஜனாதிபதி மைத்திரிபால சிறிசேன தெரிவித்துள்ளார். எவ்வாறாயினும், இந்தத் தேர்தலில் சுதந்திரக் கட்சி அதற்கு ஆதரவாக வாக்களிக்கும் என அவர் நேற்று (27) குறிப்பிட்டிருந்தார்.