அலரிமாளிகைக்கு அருகில் உள்ள NoDealGama என்ற இடத்தில் ஆர்ப்பாட்டக்காரர்கள் குழுவொன்று பிரதமர் அலுவலகத்தை நோக்கி பேரணியாக செல்ல முற்பட்டதால் கொழும்பு மலர் வீதியில் உள்ள பிரதமர் அலுவலகத்திற்கு அருகில் பதற்றமான சூழ்நிலை ஏற்பட்டது.
போராட்டக்காரர்கள் பிரதமர் அலுவலகத்தை நோக்கி பயணிக்க முற்பட்ட போது, பரீட்சை நிலையம் அருகிலேயே நடைபெறுவதால் அவர்களால் முன்னேற முடியாது என தெரிவிக்கப்பட்டது.
இதன்போது, போராட்டக்காரர்களுக்கும் பொலிஸாருக்கும் இடையில் கடும் வாக்குவாதம் ஏற்பட்டதையடுத்து, ஆர்ப்பாட்டக்காரர்கள் தரையில் அமர்ந்து வீதியை மறித்து மறியலில் ஈடுபட்டனர்.
