சிறுநீரக நோயாளிகளுக்கு இன்றியமையாத சிகிச்சையான டயலைசிஸ் உள்ளிட்ட உபகரணங்களின் தட்டுப்பாடு காரணமாக நாடு முழுவதிலும் உள்ள முக்கிய மருத்துவமனைகளில் சிகிச்சை அளிப்பதில் சிக்கல் நிலை ஏற்படும் அபாயம் உள்ளதாக சுகாதாரத்துறை வட்டாரங்கள் தெரிவிக்கின்றன.
இந்நிலையில், பல பெரிய மருத்துவமனைகளில் உயிருக்கு ஆபத்தான நிலையில் உள்ள நோயாளிகள் மட்டுமே ஹீமோடையாலிசிஸ் சிகிச்சைப் பிரிவுக்கு அனுப்பப்படுவார்கள் என்று அந்த வட்டாரங்கள் தெரிவித்தன.
இதனால், அரசு மருத்துவமனைகளில் சிகிச்சை பெற்று வந்த நோயாளிகள் சிலர் தனியாருக்கு மாறியுள்ளதால், தனியார் மருத்துவமனைகளில் இரத்தம் ஏற்றுவதற்கும் சற்று நெரிசல் ஏற்பட்டுள்ளதாக கூறப்படுகிறது.
சிறுநீரக நோயாளிகள் தனியாரிடம் டயாலிசிஸ் சிகிச்சை பெற பதினோராயிரத்திற்கு மேல் செலவிட வேண்டியுள்ளது.
இது தொடர்பில் நாம் வினவியபோது, சுகாதார அமைச்சின் மருத்துவ விநியோகத் திணைக்களத்தில் கூட டயாலிசிஸுக்குத் தேவையான டயாலிசர் உள்ளிட்ட உபகரணங்களுக்கு தட்டுப்பாடு காணப்படுவதாக வைத்திய சங்கங்கள் சுட்டிக்காட்டியுள்ளன.
கடந்த காலங்களில், சில அடிப்படை மருத்துவமனைகளில் இரத்த சுத்திகரிப்பு இயந்திரங்கள் பொருத்தப்பட்டு, இரத்த சுத்திகரிப்புக்கான வசதிகள் செய்யப்பட்டிருந்த நிலையில், தற்போது, அதற்கு தேவையான டயாலிசர்கள் இல்லாததால், அவையும் தடைபடுவதாக, சங்கத்தினர் தெரிவித்தனர்.
சில மருத்துவமனைகளின் ஏற்பாடுகள் மற்றும் தனியார் உதவிகளின் அடிப்படையில் நோயாளர்களின் உயிரைக் காப்பாற்றுவதற்காக இரத்தம் ஏற்றப்படும் நிலைக்குச் சுகாதாரத் துறை சென்றுள்ளதாகவும் அவர்கள் சுட்டிக்காட்டுகின்றனர்.
இதேவேளை, இயந்திரங்களை பராமரிப்பதற்கு பணியாளர்கள் பற்றாக்குறை நிலவுவதாகவும் தெரிவிக்கப்படுகிறது. இதனால், அவற்றின் பராமரிப்பு பணிகள் முறையாக நடைபெறவில்லை என்றும் கூறப்படுகிறது.
இரத்த சுத்திகரிப்புக்காக வைத்தியசாலைகளில் பொருத்தப்பட்டுள்ள அனைத்து இயந்திரங்களும் செயலிழந்த நிலையில் இல்லை என சுகாதார அமைச்சர் கெஹலிய ரம்புக்வெல்ல தெரிவித்தார்.
அவற்றைப் பராமரிக்கும் பணியாளர்களுக்கு பற்றாக்குறை இல்லையென்றாலும், அந்த இயந்திரங்களின் பராமரிப்புக்கு போதிய பணம் ஒதுக்கப்படவில்லை என்று அவர் குறிப்பிட்டார்.
ஒரு வருடத்தில் அந்த இயந்திரங்களின் பராமரிப்புக்கு சுமார் 4 மில்லியன் செலவாகும் என்றும் அவர் சுட்டிக்காட்டினார்.
இவ்வளவு காலமும் பணம் கொடுப்பதாக உறுதியளித்து அறிவின் அடிப்படையில் இயந்திர பராமரிப்பு பணிகள் மேற்கொள்ளப்பட்ட போதிலும் இனி அவ்வாறு செய்ய முடியாது எனவும் அமைச்சர் குறிப்பிட்டுள்ளார்.
அவற்றின் பராமரிப்பு தொடர்பான பணத்தை பெற்றுக்கொள்வது தொடர்பில் நேற்று (07) திறைசேரியுடன் கலந்துரையாடப்பட்டதாகவும், தேவையான பணத்தை இன்று (08) விடுவிப்பதற்கு இணக்கம் தெரிவித்ததாகவும் அவர் குறிப்பிட்டுள்ளார்.
