வட கொரியா முக்கியமான, இறுதி கட்ட சோதனையை நடத்தியதாக, கொரிய மத்திய செய்தி நிறுவனம் தெரிவித்துள்ளது.
வட கொரியாவின் தேசிய விண்வெளி மேம்பாட்டு நிர்வாகம் வட பியோங்கன் மாகாணத்தில் உள்ள சோல்சானில் உள்ள சோஹே செயற்கைக்கோள் ஏவுதளத்தில் இருந்து நேற்று (ஞாயிற்றுக்கிழமை) இந்த சோதனையை நடத்தியது.
பல கேமராக்கள், இமேஜ் டிரான்ஸ்மிட்டர்கள் மற்றும் ரிசீவர்கள், ஒரு கட்டுப்பாட்டு சாதனம் மற்றும் சேமிப்பக பேட்டரி உட்பட, சோதனை-துண்டு செயற்கைக்கோள் என்று விபரிக்கப்படும் ரொக்கெட், 500 கிமீ (311 மைல்) உயரத்திற்கு மாடப்பட்ட கோணத்தில் ஏவப்பட்டதாக தெரிவிக்கப்பட்டுள்ளது.
இந்த சோதனையானது செயற்கைக்கோள் இமேஜிங் திறன்கள், தரவு பரிமாற்றம் மற்றும் தரைக் கட்டுப்பாட்டு அமைப்பு ஆகியவற்றை மதிப்பாய்வு செய்ய வடிவமைக்கப்பட்டுள்ளதாக கொரிய மத்திய செய்தி நிறுவனம் குறிப்பிட்டுள்ளது.
‘விண்வெளி சூழலில் கெமரா இயக்க தொழில்நுட்பம், தகவல் தொடர்பு சாதனங்களின் தரவு செயலாக்கம் மற்றும் பரிமாற்ற திறன், தரைக் கட்டுப்பாட்டு அமைப்பின் கண்காணிப்பு மற்றும் கட்டுப்பாட்டு துல்லியம் போன்ற முக்கியமான தொழில்நுட்ப குறிகாட்டிகளை நாங்கள் உறுதிப்படுத்தியுள்ளோம்’ என்று பெயரிடப்படாத வட கொரிய விண்வெளி செய்தித் தொடர்பாளர் கூறினார்.
எதிர்வரும் 2023ஆம் ஆண்டு ஏப்ரல் மாதத்திற்குள் முதல் இராணுவ உளவு செயற்கைக்கோளுக்கான தயாரிப்புகளை முடிக்க வட கொரியா திட்டமிட்டுள்ளது என அவர் மேலும் தெரிவித்தார்.
