ஹக்கீமை சந்தித்தது ஐரோப்பிய ஒன்றியத் தூதுக்குழு

ஐரோப்பிய வெளிவிவகாரச் சேவையின் ஆசிய மற்றும் பசுபிக் பிராந்தியத்துக்கான பிரதி முகாமைத்துவப் பணிப்பாளர் பாவோலா பாம்பலோனி தலைமையிலான ஐரோப்பிய ஒன்றியத்தின் தூதுக்குழு, ஸ்ரீலங்கா முஸ்லீம் காங்கிரஸ் தலைவரும், எதிர்க்கட்சி பாராளுமன்ற உறுப்பினருமான ரவூப் ஹக்கீமை நேற்று (27) சந்தித்து கலந்துரையாடியுள்ளனர். நாட்டின் தற்போதைய பொருளாதார நெருக்கடி நிலைமைகள், கடன் நெருக்கடியினால் ஏற்பட்டுள்ள பாதகத்தன்மைகள் மற்றும் பொருளாதார நெருக்கடிக்கு முகங்கொடுத்துவரும் மக்களின் பிரச்சினைகள் குறித்து இதன்போது கலந்துரையாடப்பட்டுள்ளதுடன், சிறுபான்மை மக்களின் பிரச்சினைகள் மற்றும் அவர்களின் உரிமை சார் விடயங்கள் குறித்தும் விரிவாக கலந்துரையாடப்பட்டுள்ளது.