சிறைச்சாலையில் இருந்து நீதிமன்றத்திற்கு அழைத்துச் செல்லப்பட்ட சந்தேகநபருக்கு வழங்குவதற்காக ஐஸ் போதைப்பொருளை மறைத்து எடுத்துச் சென்ற பெண் ஒருவர் கைது செய்துள்ளதாக பாணந்துறை தெற்குப் பொலிஸார் தெரிவித்துள்ளனர்.
இவ்வாறு கைது செய்யப்பட்டவர் மொரட்டடுவ பிரதேசத்தில் வசிக்கும் 29 வயது பெண் என பொலிசார் மேலும் தெரிவித்துள்ளனர்.
சந்தேகத்திற்கிடமான குறித்த நபர் சிறையில் அடைக்கப்பட்டு, இன்று அவர் நீதிமன்றத்திற்கு அழைத்துச் செல்லப்படவுள்ள நிலையில், அவரை பார்க்கச் சென்ற குறித்த பெண் தீப்பெட்டி ஒன்றில் சூட்சுமமான முறையில் மறைத்துக் கொண்டுச் சென்ற ஐஸ் போதைப்பொருளை பொலிஸார் கைப்பற்றியதோடு குறித்த பெண்ணையும் கைது செய்தனர்.
இந்நிலையில் குறித்த பெண்ணையும் நீதிமன்றத்தில் ஆஜர்படுத்த நடவடிக்கை எடுக்கப்பட்டுள்ளதாக பொலிஸார் மேலும் தெரிவித்துள்ளனர்.
