ரோஹித ராஜபக்ஷவிற்கு சொந்தமானதாக கூறப்படும் உல்லாச விடுதி தொடர்பில் உண்மையை கண்டறியுமாறு சர்வ-பார்ஷவிக அரகலகருவோ இயக்கம் குற்றப்புலனாய்வு திணைக்களத்தில் முறைப்பாடு செய்துள்ளது.
முன்னாள் பிரதமர் மகிந்த ராஜபக்சவின் மகன் ரோஹித ராஜபக்ஷவுக்கு சொந்தமான கொலன்னாவில் உள்ள ஹோட்டல் ஒன்றிற்கு தீ வைத்து கொள்ளையடித்த குற்றச்சாட்டின் பேரில் நால்வர் கைது செய்யப்பட்டதாக பொலிஸார் கடந்த வாரம் தெரிவித்திருந்தனர்.
அந்த அறிக்கையை குறிப்பிட்டு சர்வ-பார்ஷவிகா அரகலகருவோ, ரோஹித ராஜபக்சவுக்கு முறையான வருமானம் இல்லாத ஹோட்டல் எப்படி சொந்தமாக இருக்கும் என கேள்வி எழுப்பியிருந்தார்.
ரோஹித ராஜபக்ச, குறித்த பகுதியில் தனக்கு சொந்தமான பங்குதாரர் சொத்து இருப்பதையும், அனைத்து சட்ட தேவைகளையும் பூர்த்தி செய்த பின்னரே ஹோட்டல் நிர்மாணிக்கப்பட்டுள்ளதாகவும் நியூஸ் 1ஸ்டுக்கு உறுதிப்படுத்தியுள்ளார்.
ஏதேனும் தவறுகள் இடம்பெற்றிருந்தால் அதற்கு எதிராக நீதி விசாரணையை ஆரம்பிக்க முடியும் எனவும் ரோஹித ராஜபக்ஷ மேலும் தெரிவித்துள்ளார்.
இவ்வாறான குற்றச்சாட்டுக்களை முன்வைப்பவர்கள் தமது பிரிவினர் அவர்களுக்கு எதிராக மேற்கொள்ளும் சட்ட நடவடிக்கையை எதிர்கொள்ள தயாராக இருக்க வேண்டும் எனவும் அவர் மேலும் தெரிவித்துள்ளார்.
